Tema: Agradecemento da tua parroquia

AGRADECEMENTO DA TUA PARROQUIA


Nesta parroquia eu nacín,
ti ministro de Deus fuches
e sacramentos recibín,
porque ti os impartiches.

Na miña igrexa parroquial,
na cal con nos practicaches,
e na sua pila bautismal,
a un por un, nos mollaches.

Cando o templo me acheguei,
sempre alí,ti me esperaches
¡ e co tempo tamén medrei!,
cando casei,me casaches,

a miña unión bendiciches,
meu espírito consagraches,
diante Deus intercediches
e os meus fillos bautizaches.

Os mais vellos confortaches,
sacramentos impuxeches,
e os meus mortos enterraches
e na igrexa ti quixeches.

Co teu pobo comungaches
e na fe os mantiveches,
en procesión os sacaches,
e a bendición ti nos deches.

A todos lle predicaches
dende o Evanxeo bendito
o libro que ti estudaches,
onde todo está escrito.

Por todo o que nos deches,
polos anos compartidos,
polo que por nos sentiches,
estamos agradecidos,

estamos porque queremos
todos xuntos e unidos,
e con isto agradecervos,
os servizos impartidos.

Por iso dende este papel
que non é un pergamiño,
moitas grazas Don Manuel,
e moitas Don Bernardino.

Ramón L. Souto