Chan de Guilhem de Poitiers(sXII)

Ab la dolchor del temps novel
foillo li bosc,e li aucel
chanton chascus en lor lati
segon lo vers del novel chan;
adonc esta ben c"om s"aisi
d"ancho don hom a plus talan.

De lai don plus m"es bon e bel
no vei mesager ni sagel,
per que mos cros non dorm ni ri,
ni no m"aus traire adenan,
tro que sacha ben de la fi
s"el"es aissi com eu deman.

La nostr"amor vai enaissi
com la branca de l"albespi
qu"esta sobre l"arbre tremblan,
la nuoit,a la ploja ez al gel,
tro l"endeman,que l sols s"espan
per las fueillas verz el ramel.

Enquer me membra d"un mati
que nos fezem de guerra fi,
e quem donet un don tan gran,
sa dudari"e son anel:
enquer me lais Dieus viure tan
c"aja mas manz soz so mantel!

Qu"eu non ai song d"estraing lati
que"m parta de mon Bon Vezi,
qu"eu sai de paraulas com van
ab un breu sérmon que s"espel,
que tal se van d"amor gaban,
nos n"avem la pessa el coutel.

GUILHEM DE POITIERS.
(Poema del Siglo XII,d.C.,escrito en idioma provenzal).